Eriseru a meria a Xrexei seus andaus a pigiai a sa parti in s’atòbiu cuncodrau po amostai a totus su trabballu nou chi ant fatu Lilliana Zuca e Antiogu Ghiani.

Su lìbburu de didàtiga nou tenit che arrètulu "Contendi e Arrexonendi".

S’est acuta genti meda e femus prus de centutrinta personis acorraus in sa scola mèdia de Xrexei, nci fiant maistus fintzas de Serri e de Iscroca. S’assessorissa a sa curtura de s’arregioni sarda Maria Antonedha Mòngiu no est benia e nimancu su diretori arregionalli de is scolas sarda A. Pietrella, ma incapas nci fenta medas de is piciochedhus chi ant trabballau cun is autoris a fai su lìbburu e anti lìgiu unus cantu contixedhus.

Eus biu ca nci fenta Franca Marcialis chi at fuedhau de s’ùrtimu trabballu cosa sua, Mariedha Marras de sa diretzioni arregionalli scolàstiga ca est a oi sa chi tenit is bideas prus craras apitzus de sa lìngua sarda, po dha imperai e dha fai torrai a intru de is scolas.

Su metalimbismu, sa lìngua sarda chi si castiat in sardu etotu, custa est s’ancada de importu prus mannu chi ant fatu in custa scola e giai de su 1992 ant cumentzau a pubrigai is trabballus. Eus biu àterus operadoris de sa lìngua, nci fudi B. Ferrer chi adi fat unu discursu nendi e assentendi ca su sardu no est sceti unu codixi ma sa lìngua sarda est indentidadi est àteras cosas ca sceti gramàtiga e lèssigu. Sa lìngua tragat cun sei etotu fintzas àteras bisuras de su mundu.

Nci fenta unus cantu de obradoris de ufìtzius limbistigus e genti meda e prexada de sa bidha.

Francu De Fabiis