In s’oru

Su stadu italianu no d’at a ponni mai a innoi. Aici si pariat di essi cumbintu unu stadu mannu e sordigosu-caddotzu a no si ’etai s’àliga allena in domu nosta. A pustis emus biu furriendisi’ s’aligadorju nucreari a Basilicada, e incuni puru kesças e duncas nudda. Atrus logus nomenaus...ma is naturalis ki arrekèdinti funti sempri is pròpius: isolamentu, pagu genti, milidaris, terra firma...e aici nendu.

M’arregòrdat sa kistioni arkiològiga de is Shardana a primu e de Atràntidi imoi. Is Shardanas tenìanta totu po essi is sardus, ma no, no podiaus essi nosu. Imbeças, eya; oi totus citius, est aici.Atràntidi est un’ìsula ki tenit totu is naturalis ki sa Sardinnya feti podiat tenni in s’edadi ’e su brunzu , cun d-unu pòpulu ki est totu su ki faiat-fùrint is sardus nuraxesus; ma no, ma no. E imbecis forsis seus nosu. E ba’!

E duncas custu m’arregòdat, est in Sardinnya, ma no in domu ’e ’osatrus. Prus ki atru funti cirkendu, de unus 50 annus peri, de no si fai intendi sa terra a su’’e is peis coment’’e nosta. Duncas, ita barrancus? Ita pensamentus? "Eh, ki no di fait nudda", (comenti is minieras di oru ki boghendu oru nci ’etant a nosu su mercùriu), "tantis, ita si ndi impòrtat de custa terra, ki seis totu bessendinci disterraus, no si nd’eis mancu a arregordai prus". Aici forsis s’’òlinti fai crei. ’Onai a cura.

Labai, s’arresolidura de s’identikit-aligadorju seus NOSU ancoras.

Fonte: Artivu