Nàscit in Scalepranu s’Ufítziu de sa Língua Sarda

domenica 15 luglio 2007 di exeo

S’aministratzioni comunali de Scalepranu, cun riferimentu a sa Lei 482/99 “Norme in materia di tutela delle minoranze linguistiche storiche” e a sa Lei regionali n. 26 de su 1997 “Promozione e valorizzazione della cultura e della lingua della Sardegna”, su 6 de màiu de su 2007 at a aberri s’Ufítziu de sa língua e de sa cultura sarda.

S’Ufìtziu est postu in sa comuna e est abertu su lunis a mengianu de is dexi e mesu a mesudì e mesu (10,30 -12,30) Tel. N. 070/95410412

S’iscopu de s’ufítziu est cussu de fai totu su chi serbit, cun atzionis e istrumentus, po lompi a su bilinguismu e po donai a su sardu oguali dinnidadi linguística de s’italianu.

Po custu s’Ufítziu coordinat e mandat a innantis totus is atividadis chi attenent a s’impreu e a sa promotzioni de sa Língua Sarda:

- apariciamentu, imparis a s’aministrazioni comunali, de su primu cursu po is dipendentis comunalis, abertu fintzas a uditoris;

- tradusidura de àutus pùbrigus e manifestus chi andant a sa genti;

- agiudu po fainas de tradusidura po totu sa bidda;

- istúdiu e iscedas a pitzus de is leis de is minorias linguístigas e apariciamentu de progetus;

- aparíciu de cuncursus po spainai sa língua sarda;

- atividadis e collaboratzioni cun is iscolas e cun totu is assótzius culturalis de sa bidda.

Sa responsabili de s’Ufítziu linguísticu - Dott.ssa Bruna Siriu
Su Sìndigu - Bissenti Demontis

Scalepranu 18.04.2007

S’Ufítziu in sa retza




exeo