A s'acabu de su contu su giassu internet "Disterraus sardus" teniri dduas mitzas de statisticas: sa primu, sa de importu prus mannu, est in su server, s'atra in su giassu etotu. Sa de su giassu no depiri èssiri precisa precisa, nareus chi tenit contu casi de totu, s'atra, sa de su server, est prus precisa, "intellettuali", e scioberara is nùmurus castiendi su chi est e su chi no est, su chi contara diaderus e su chi no balit s'arrestu de nudda...
 
Incumentzaus, tanti faeus allestru.
 
In su Duamillaennoi eus tentu prus o mancu: 
215.354 abbisitadoris, computer, a sous, a sous poita unu nùmuru I.P. est ugualli a unu computer sceti e no a duas.
chi anti "angiau" ;-) 278.156 abbìsitas po sa bellesa de 1.874.900 pàginas castiaras, po sa precisioni UNU-MILLIONI-OTUXENTUS-CORANTASETIMILLA-NOIXENTUS-OTANTACUATRU PÀGINAS! e naraddu nudda... 
 
Is atrus nùmurus no tenint importantzia meda po imoi e no tèngiu gana de mi scimprai meda, si ddus fatzus biri cun is màginis liaras de su server ca calincuna cosa podit èssiri fintzas interessanti, boh, fortzis sa parti de is abbìsitas internatzionalis, totu s'atru est po is chi connoscint is "leis" de s’Arretza e de internet.
Custu est totu, e fortzis est fintzas tropu...
 
Tenei contu, e cumenti e sempri tocat a torrai gràtzias a totus is chi anti mandau artìculus, noas, poisias, fotugrafias e a totus is chi no anti mai segau is busciacas cun scimproris e tontesas chi no baliant mancu su tanti de arrespundi, cumenti apu fatu is pagus bortas chi est capitara s'ocasioni.
 
Red.