[Emigrati Sardi] : Cursus de sardu e atras noas de bilinguismu

[ Salta il menu e vai direttamente ai contenuti ]

Sommario dei principali servizi e contenuti disponibili in questa pagina:: Lingua del sito; Ricerca; pagina in cui ti trovi; navigation global; Rubriche; Registrati al sito; Articoli più recenti; Ultime brevi; informazioni legali

Home page

Emigrati Sardi

[ Torna all'inizio della pagina ]

Cursus de sardu e atras noas de bilinguismu

sabato 3 febbraio 2007.

Cursus de sardu e atras noas de bilinguismu

Saludi a totus,femus de diora kentz’’e si scriri ma imoi teneus tres noas po ’osatrus friscas friscas.

1. Sàbudu su 3 de friarju in Nuraminis premiadura de su cuncursu literàriu sardu "Città di Nuraminis". Est in su Monti (Monte Granatico), in Pratz’’e Crèsia, a is cincu. Agoa de is saludus de su sìndigu e de s’assessori, Efis Zuddas at a sonai is launeddas, Otàviu Congiu at a presentai is obras bincidoras (poesias e contus) e Amos Cardia at a kistionai de sa literadura sarda oi. Seis cumbidaus totus e a s’acabu du est su smurtzu puru.

2. Cursus de lìngua sarda. In Samatzai dònnia martis de is tres a is otu, in su Comunu (aposentu de su Consillu Comunali). In Mara dònnia lunis e mèrcuris de is tres a is sesi, in su Comunu (aposentu de su Consillu Comunali).

Fait a pigai parti totus, no si pàgat nudda e is librus funt arregalaus. Po si assentai e po ndi sciri de prus fait a si presentai inguni e totu o a scriri a su maistu: perduperra@hotmail.com. Feiddus totus!

3. In su jassu www.comitau.org - Arcivu Sardu de Bilinguismu oberta una setzioni noa, ki di nanta LITERADURA SARDA (www.comitau.org//Mangaras/librus/index.php). In prus eus ajorronau sa setzioni BUTEGAS E SIENDAS (www.comitau.org//Mangaras/butegas/index.php). Bona castiada a totus.

Acadèmia Campidanesa de sa Lìngua Sarda (www.acalisa.org) e Arcivu Sardu de Bilinguismu (www.comitau.org)

Vedi on line : Acadèmia Campidanesa de sa Lìngua Sarda