Monserrato: Stàini Pauli Pirri Terramàini

Monserrato: Stàini Pauli Pirri Terramàini

 Si ghetat su bandu!

Custu mengianu, in dia de mèrcunis 20 martzu 2013, funti torraus in su Stàini de Terramàini, a is làcanas de Pauli e Pirri, is mangonis. Custus ses mangonis matucus e arrùbius funti bènnius po sa primu borta ocannu in su Stàini.

A parti su mangoni de culori murru, ca est unu pillonedhu, e s'est apatau in su Stàini in su mesi de Paschixedha de su 2012, femus de beranu de ocannu passau chi no biemus mangonis mannus e arrùbius.

Custu Stàini in s'istadi passada s'est smenguau fintzas a abarrai a cuàturu bortas prus pitichedhu de su chi est immoi.
Castiaisia sa gallery e s'artìgulu chi nc'est giai in custu giassu po si fàiri una bidea prus crara de sa mannària de Terramàini. Ses mangonis funti medas ca de prus su Stàini no ndi podit sustentai. E cun meda prexeri chi si ghetaus su bandu de sa torrada de is mangonis ca pariat no torressint prus.

Seu passau a Terramàini e apu tirau custas cantus fotugrafias, pagu bonu chi seu; ma est po si pratziri su prexu chi tengu, ca a trexentu metrus de domu de mei e de su bixinau de Is Cancelledhus, potzu biri custu spantu de sa nadura.

Francu De Fabiis